| سبد کالا (آذری)
دولت تدبیره دئنه مرحبا
وئردی "سبد" ائولره گلدی صفا
بیر بئله دولت اله دوشمز بابا
بیر کامیون یوک قاپیدا سالمیشام
« آچ قاپی آرواد قاپیدا قالمیشام »
صبحه قده ر اوردا یاتاق سالمیشام
نوبه توتوب یئرمی ساحات قالمیشام
شاختا ووروب جیسمیمه قیسالمیشام
شوکر اولا آخیر سبدی آلمیشام
« آچ قاپی آرواد قاپیدا قالمیشام »
آچ قاپی نی شاختا ووروبدور منی
باغلیا بیلمیر هئچ الیم دویمه نی
آچ گوروم آلله یئره وورسون سنی
یوز دفه دن چوخ قاپی نی چالمیشام
« آچ قاپی آرواد قاپیدا قالمیشام »
اولمویا بختین سنین آرواد یاتیب
اعصابیمی اوردا جماعت قاتیب
گلدی فیشار صفده قابیرقام باتیب
اولمه یه وآلله داها آز قالمیشام
« آچ قاپی آرواد قاپیدا قالمیشام »
نعمت اله جعفری
دیدگاه شما
نعمت اله جعفری ۳۱ خرداد ۹۴ ، ۰۴:۱۶
ممنونم که شعرمو با نام خودم در سایت شما می بینم. آخه خیلی از سایت ها این شعر منو بنام خودشان درج کردن.