پیامک ترکی آذری سری اول :: وب سایت هف شنبه وب سایت هف شنبه

وب سایت هف شنبه

نرم افزارهای تحت ویندوز فارسی سبک، سریع و پرکاربرد برای اصناف، اشخاص و سازمان ها



پیامک ترکی آذری سری اول
  • مدیر سایت
  • ۰
  • ۱۱۱

پیامک ترکی آذری سری اول

توتولوپدی اورگیم، قلبیمه اوت سالدی فلک

گوزیمی آتدی کؤزه شادلیغیمی آلدی فلک

قفسه سالدی بو غم، بوغدی داریخدیردی منی

منی سیندیرماقینان اوز سازینی چالدی فلک

 

عومور گچدی بیر شاد اولوب گولمه دیم

غم توزونی اورگیمدن سیلمدیم

گورچین تک بیر قوشوموش جوانلیق

نجه گلدی نجه گتدی بیلمدیم

 

ایستیرم گوزلریوین نقشینی تصویره چکم

نینیم سنسیز عزیزیم ینه دنیاده تکم

سن منیم نازلی گولوم سن گوزلیم دردین آلیم

اوزون انصاف ایله سنسیز نجه دنیاده قالیم؟!

 

آغلارام آخشام اولان وقتیده سنسیز گوزلیم

تک قالان دونیادا سن آغلاما منسیز گوزلیم

سن منیم نازلی گولوم سن گوزلیم دردین آلیم

اوزون انصاف اله سنسیز نجه دونیاده قالیم

 

بیر قوشام غملر یوروب، گزمک‌ده خوش گلمیر منه

باده لر بیر بیر دولور، ایچمک‌ده خوش گلمیر منه

غملروندن بیر زمان شاهلیق ادردیم عالمه

سن گدن گونن بری، غملر ده خوش گلمیر منه

عطریوی الریدم هر سحر یللره اَسَنده سوگیلیم

ایل گلیپ آیلار گچیپ گونلرده خوش گلمیر منه

 

گوزلیم گوزله منی من سنی چوخ گوزلمیشم

یئره توشموش توکوی عالمه من ورممیشم

چوخ قالیب آیری ولی آیری کسه باخمامیشام

آیرلیق دان آجی بیر شربتی من ایشممیشم

 

غم آغاجی بیزه کولگه سالماسین

عشقین غمی صبریمیزی آلماسین

من چکمیشم بو انتیظار چتیندی

هچ عاشیقین گوزی یولدا گالماسین

 

اگر من نقاش اولام دونیانی زندان چکرم

اولومی- آیرلیقی-حسرتی پشمان چکرم

اگر من صیاد اولام ، سن کیمین جیران اودونا

اوره گی پاره ادیب عشقیوه هیجران چکرم

 

بیچاره گوزوم هر گئجه سن سیز باخار آغلار

قان یاشیله اولدوزلارین بیر بیر سایار آغلار

سن آیریغیلی خوشلادون اما گئجه گوندوز

دفترده قلم شرح فراقون یازار آغلار

 

بیز جفا چوخ چکمیشیک، زندان بیزه میخانه دی

بیز اسیدلر ایشمیشیک، الکل بیزه نوشابه دی!

دوسلارین جانی ساغ اولسا...دونیا بیزه گولخانه دی

 

چاتار هیجران گئجه سی صبح وصاله گوزلیم

تلسیب سالما منی فکر و خیاله گوزلیم

درد هیجرانه دوشوب منده طبیب آختاریرام

نجه صیاد دوشر صید غزاله گوزلیم

آیریلق قصه سی چوخدان یازیلیب آلنمزا

هیجر الیندن قاچارام آیری دیاره گوزلیم

 

گجه منیم گونوز سنین، آجی منیم شیرین سنین

گوللر سنین تیکان منیم،آباد سنین ویران منیم

شادلخ سنین نیسکیل منیم،گوزل سنین چرکین منیم

هرشی سنین هئج لر منیم، دونیا سنین سنده منیم

 

گنه آغلاتدی منی خان چوبانین آغلاماسی

سارانین سللره بل باغلاماسی

واردی هر بیر یارانین مرحمی تاپسان طبیبین

نجه درمان اولاجاخ اولسا طبیبین یاراسی

 

گجه لر آیه باخیب من سنی یاد ایله میشم

صبحه جان یاتمامیشام فکروخیال ایله میشم

گه یاتوب گه اویانوب بیله خیال ایله میشم

من باخان آیه خدایا گوره سن یاردا باخیر...؟

 

منی دیندیر گوزلیم داغلی اورک دادَه گئلیپ

شیرینین داغ یاراسی بیرده بو فرهاده گئلیپ

منی دیندیر کی شفادیر منه او نازلی سسین

او گئچـن گونلریمیز گور نئــجه فریاده گئلیپ

 

ﮔﻮﺯﻟﯿﻢ ﺳﺎﻟﻤﺎ ﮔﻮﺯﻭﻧﻦ ﻣﻨﯽ ﺑﯿﮕﺎﻧﻪ ﮐﯿﻤﯽ

ﺳﻮﯾﺮﻡ ﻣﻦ ﺳﻨﯽ ﺑﯿﺮ ﻋﺎﺷﻖ ﺩﯾﻮﺍﻧﻪ ﮐﯿﻤﯽ

ﻧﻪ ﺍﻭﻻﺭ ﺷﻤﻊ ﺍﻭﻻﺳﺎﻥ ﻋﺎﻟﻤﻪ ﺳﻦ ﻧﻮﺭ ﺳﺎﻻﺳﺎﻥ

ﻣﻨﺪه ﻫﺮ ﮔﻮﻥ ﺩﻭﻻﻧﺎﻡ ﺑﺎﺷﯿﻮه ﭘﺮﻭﺍﻧﻪ ﮐﯿﻤﯽ

 

من جهانی ورمرم بش گون جهاندار اولماغا

دلخوشم دائم رفیق عشقینده بیمار اولماغا

مدرکیم ثابت اِدیبدی اِتدیگیم پیمانلارا

عاشقم دنیادا دوستون ساتمیان اوغلانلارا

 

دولدور پیاله نی وئر ایچیم، چوخ یوبانمیشام

ایللر بویو بو جامیدن اوتری دولانمیشام

گورجک سنی ، تمام وجودوم سن اولموسان

سنسیز ولی ، اوزومده اوزومدن تالانمیشام

سنلی گونش لریم منی ایزلیر آداخلی تک

نئیلیم من عاشقم ، سنی تکجه اینانمیشام

عشقیم یالان دئییر منی بیگانه سویله مه

مجنون کیمی دالینجا گزیب چوخ دولانمیشام

سنسن منیم ازل سوزومون سون حکایتی

سن ناز ائله ، کی من سوزوم اوسته دایانمیشام

 

طاقتیم یوخدی منیم /آتش هیجرانه گوزل

بوندان آرتیق المه قلبیمی ویرانه گوزل

چرخی سینسین فلکین قویمادی گولسون اوزومی

ایلییب گور نجه مندن سنی بیگانه گوزل

 

ساقی دولانیم باشیوا پیمانه دولاندیر

اخم ایلمه ناز ایلمه مستانه دولاندیر

مال ایستمیرم طالب شهرت دییرم من

یا رب قالان اوقاتیمی مردانه دولاندیر

 

سن آغلارسان گولوم منسیز ، من گولمرم اینان سنسیز

گولک بیرلیک،ا ولاق غمسیز ، نه سن منسیز، نه من سنسیز

 

آتـــــــــانین تکجه آدی، کُلِ بو دونیایه دیَر

آتـانین بیر باخیشی مُلک سولیمانه دیَر

آتـا بیر گولدو، گولوستاندا اونا تای اولماز

آتانین عطری بوتون باغ و گولوستانه دیَر

 

سایارام گونلری سنسیز باشا چاتماز گوزلیم

آغلارام صبحه کیمین غصه قوتارماز گوزلیم

سن اولان یرده فقط من خوشم عالم ده گولوم

سنسیز عالم منه بیر لحظه خوش اولماز گوزلیم

 

هر کیمه دوست ددیم دشمن جان اولدی منه

دشمن اوز بختیمیدور ایندی عیان اولدی منه

 

ای خسته قوش آواره گزیرسن بو دیاری

زندان دی قفس دی چمن و باغ و بهاری

بختین کاپیسی ایندی قفلانسا داریخما

هر بیر قفلین واردی طبیعتده آچاری

 

فانوسا نه حاجت او زمان کی گونوز اولسا

اینسان اوزی بیر کعبه دیر اعمالی دوز اولسا

هر قلبیده آیینه کیمین اولماسا لکه

گر یاخجی گزیب آخداراسان اوردادی مکه

 

صبر ایله کونول محنت هیجرانه تلسمه

درد اهلی یتر صبر ایله درمانه تلسمه

یوسیفده زلیخانی محبت له سویردی

سالدیردی زلیخا اونی زیندانه تلسمه

دنیایه وفا ایلمه چوخ آغلاما کونلوم

دنیا نه وفا قلدی سلیمانه تلسمه

کام آلمیاجاخ آیریلیغا باعث اولانلار

عاشق چاتاجاغ سوگیلی جانانه تلسمه

 

قورخورام غملی سوزوم سینه ده خاموش اولسون

سرنوشتیم کیمی عشقیم ده فراموش اولسون

ساقی سیز باده یاپیشمیر منه ای باده ساتان

ایکی پیمانه گتیر با هم ایچک نوش اولسون

۰ دیدگاه

فرم ارسال دیدگاه

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
تجدید کد امنیتی